Tuliro

This part of my life is called… TULIRO.

*****

Linggo. Alas-nueve ng umaga.

Nagtext ‘yung hipag ko. Pinaringgan daw siya ng isa ko pang hipag. Ang sabi, bakit daw siya (hipag 1) andun? Akala daw ba ano? Ano’ng ibig sabihin ng “ano”?

“Pa’no ba ang pagkakasabi?“, tanong ko.

“O bakit ka nandito? ‘Kala ko ba ano?“, ang sabi daw ng isa ko pang hipag. Walang ibang tao dun kungdi siya (hipag 1) at ang ‘yung mag-asawa (kapatid ko at hipag 2). Kaya alam ni hipag 1 na siya ang pinariringgan ni hipag 2. Just a short background, mayroong cold war ang (mapagpatol na) mga kapatid kong lalaki at ang mga kumander nila.

Maya-maya nagtext ang tatay ko, “Wag mong tawagan si (hipag 2). Nagkamali lang ng pagkaintindi si (hipag 1).“

Nagtext ulit si hipag 1. Lumalabas daw ngayon na siya ang sinungaling.

Saan ako lulugar?

Tuliro.

*****

Anong Paki Mo?

“So what?“

“Anong paki ko?“

“Ma at Pa!“

Pamilyar ka ba sa mga linyang ‘yun? Tanda mo ba kung ilang beses mo na silang nagamit sa pakikipag-usap mo sa tao dala ng inis mo o dahil sa wala lang, feel mo lang sabihin? Bakit ba may mga taong insensitive? Wala ba talagang silang pakiramdam or nagpa-power trip lang? Gusto ko man isipin na baka dala lang ng kasalukuyang estado (bad hair day, monthly period, di nakapagkape, etc…) kaya kahit si Shakespear e di kayang i-express ang mood ng mga taong ito na walang pakialam sa feelings ng iba. *kamot-ulo*

Zanessa

Nag-request si Jan ng bagong image background para sa kanyang Friendster. Mega fan ‘yun ng HSM lead stars na sina Zac Efron at Vanessa Hudgens. Naalala ko pa noong umiyak siya dahil may kumalat na mga nude pictures ni Vanessa sa internet. Galit na galit siya kay Zac dahil feeling niya ‘yung guy ang nagkalat ng mga photos because Vanessa was breaking up with him.

Hay, kakaiba talaga ang thinking ng mga bata ngayon. Hirap sakyan.

Dahil hindi na naman ako tatantanan ng batang ‘yun kaya ayan na, ginawa ko na para wala na lang usapan. Hindi naman ako magaling sa Photoshop. May konting nalalaman lang. Hindi ko pa kayang i-retoke ang katawan ko para palakihin ang boobs at gawing seksi. Kung kasing-simple lang ng ginawa ko sa itaas at para sa dyunakis ko lang, eh keri na. Trip niya lang talaga pahirapan ako.

“Magustuhan niya kaya ‘yan?“

Siguro naman.

“Hindi kaya parang PG-18 dating ng profile niya?“

Hmm, hindi naman siguro.

‘Yaan mo na nga.